مقلوب تونسي في المقلا
عسلامة ومرحبا
ليون جبتلكم المقلوب تونسي ناس كل تحب مكلة مشرية من برا أما حتى مقلوب كي نطيبوه ف دار يجي بنين بنة على بنة ونظيف
بش نعملو العجينة لازمنا
زوز كيسان فارينة
زوز مغارف سكر
زوز كيسان زيت كبار
خميرة
مغرفة صغيرة ملح
الحشو
سلطة مشوية
شوي هريسة حمرا ولا هريسة عربي
بطاطا مسموطة
سلطة خضرة حسب المذاق أعمل إلي تحب
جبن
تن ولا إسكالوب
بطاطا مقلية
مايونيز
طريقة تحضير
نخلطو شوي ماء دفي نحط فيه خميرة سكر ملح وبعد نزيد الفارينة وزيت ونعجنوها ونخليها ترتاح 15 دقيقة
بعد ما ترتح نعملو كعابر صغار و نخلوهم يرتاحو نص ساعة
بعد نحلوهم بالقلقال ونجيبو لمقلا ومذابينا تكون تيفال
نحتوا لعجينة نطيبها من شيرتين وبعد نحشوها بالخليط وتاكلوا بالشفاء
Hello, my name is Jack Sparrow. I'm a 50 year old self-employed Pirate from the Caribbean.
Aucun commentaire:
Enregistrer un commentaire